講起今年嘅TVB臺慶劇，

真係戲內劇情都不及

戲外嘅峰迴路轉咁精彩！

全臺最重視嘅《美麗戰場》，

收視、口碑都不及預期，

反而係林敏驄受邀跨界嘅處女作

《上車家族》（又名《下流上車族》）

叫好又叫座，熱度一路飆升。

又比如本來躋身臺慶檔嘅

《傲嬌與章經》（又名《新四十二章》）

日前被臨時抽起，

改成先播《法證先鋒V》。

因此坊間盛傳蔡思貝有好大機會

憑《法證5》再摞“視後”，

反而《傲嬌與章經》嘅女主角

龔嘉欣就突然失去爭獎機會。

點知冇隔幾日，

又有新訊息指《傲嬌與章經》

將於

12月

接檔《超能使者》播出。

雖然已經唔算臺慶劇檔，

不過若然趕到今年上線，

依然好有機會入圍臺慶獎項。

《傲嬌與章經》呢部係

超現實題材劇集

融合咗歷史與功夫元素，

講述一班在現代生活嘅人

意外獲得古人嘅特殊異能，

繼而展開一段奇幻尋寶之旅。

不但設定新奇夠吸引，

一眾演員嘅造型、戲路

也有突破，極具新鮮感！

好似江嘉敏以“男仔頭”示人，

鄺潔楹就以爆炸頭髮型亮相，

飾演身手不凡嘅高手。

而Color嘅老友糖妹

都有參演本劇噶！

聽聞身型嬌小嘅佢今次挑機

飾演武功高強嘅不老奇人，

有唔少打功夫嘅戲份添~

喺一班“打女”中，

男主角陳豪反而文戲比較多，

據講都有唔少吊威亞嘅戲份。

而講到形象最有突破嘅，

就肯定係女主角龔嘉欣啦。

佢在戲中一時要“犧牲色相”，

“生”到成面鬍鬚，

一時要做街市“豬肉妹”

手起刀落斬豬肉，

仲有唔少戲份要變身“打女”，

角色真係俾足發揮空間。

入行多年嘅龔嘉欣，

參演過《盛裝舞步愛作戰》

《絕代商驕》《怒火街頭》等

多部經典影視作品，

從路人甲一路捱到擔正做女主角，

演技也越來越得到觀眾認可。

龔嘉欣曾憑藉《幕後玩家》

獲得2016萬千星輝頒獎典禮

最佳女配角獎，

後來再憑《香港愛情故事》

奪得2020年度嘅

“最受歡迎電視女角色”獎項，

不過至今都同“視後”有緣無分。

今年佢喺懸疑劇集

《十八年後的終極告白2。0》

繼續有亮眼嘅表現，

飾演嘅角色堪稱“全劇最慘”，

幾場哭戲都好有層次。

但奈何《十八年2》嘅

收視成績唔算理想，

按照慣例，佢都難有“攞獎相”。

而且，如果齋睇呢部劇嘅演員表現，

大家似乎更睇好

“索爆”嘅陳山聰衝“視後”咯

龔嘉欣主演嘅另一部劇集

《究竟天有幾高》口碑就幾好啦，

不過呢個作品僅僅係獻禮劇

《迴歸光影頌》嘅一個單元，

雖然表現亮眼但戲份唔算多。

如今新劇有望年底播出，

唔知龔嘉欣有冇機會

叫番個“尾糊”衝“視後”呢？

都要睇番套劇收視表現如何嘅~

大家拭目以待啦！

網路資訊綜合整理